Hüseyin Burak Demirer
23 حوزەیران 2021•نوێکردنەوە: 24 حوزەیران 2021
ئەنقەرە - AA
یاریزانی ھەڵبژاردەی فەرەنسا و یانەی پاریسان جێرمان، کلیان مباپێ، بە ١٨٩ ملیۆن یۆرۆ ، بە گرانبەهاترین یاریزانی بەشداربوو لە یارییەکانی پاڵەوانێتی یۆرۆ٢٠٢٠، دیاریکرا.
بەپێی لێکۆڵینەوەیەکی تیمی KPMG Football Benchmark، نرخی پێشبینیکراو بۆ گواستنەوەی ١٠ باشترین یاریزانی بەشداربوو لە یۆرۆ٢٠٢٠، نزیکدەبێتەوە لە یەک ملیار و ١٨٩٨ ملیۆن یۆرۆ.
ھێرشبەری ھەڵبژاردەی فەڕەنسا مباپێی تەمەن ٢٢ ساڵان، بە ١٨٩ ملیۆن یۆرۆ لە سەرووی لیستەکەدایە. رێزبەندی دووەم و سێیەمی لیستەکەش لەلایەن ھەردوو یاریزانی ھەڵبژاردەی ئینگلتەرا ھاری کەین (١٢٧ ملیۆن یۆرۆ) و مارکۆس راشفۆرد (١٢١ ملیۆن یۆرۆ)وە داگیرکراوە.
لیستەکە، چوار یاریزانی ئینگلیزی، دوو فەڕەنسی و یاریزانێک لە ھەریەک لە ھۆڵەندا، ئەڵمانیا و پورتوگال لە خۆدەگرێت.
رێزبەندی ١٠ گرانبەهاترین یاریزانی بەشداربوو لە پاڵەوانێتی یۆرۆ ٢٠٢٠ بەم شێوەیەیە:
| ناوى ياريزان | نرخەكەى بە يۆرۆ |
١ | كليان مباپێ (فەڕەنسا) | ١٨٩ مليۆن |
٢ | هارى كەين (ئينگلتەرا) | ١٢٧ مليۆن |
٣ | ماركۆس راشفۆرد (ئينگلتەرا) | ١٢١ مليۆن |
٤ | رەحيم ستەرلينگ (ئينگلتەرا) | ١١٥ مليۆن |
٥ | كيڤن دى برۆين (بەلجيكا) | ١١٥ مليۆن |
٦ | برۆنۆ فێرناندێز (پورتوگال) | ١١٤ مليۆن |
٧ | جادۆ سانچۆ (ئينگلتەرا) | ١١٠ مليۆن |
٨ | رۆميلۆ لوكاكۆ (بەلجيكا) | ١٠٥ مليۆن |
٩ | فرانكى دە يۆنگ (هۆڵەندا) | ١٠٠ مليۆن |
١٠ | جۆشوا كيمينيش (ئەڵمانيا) | ٩٣ مليۆن |
