"ھیچ حاڵەتێکی نەخۆشی تای خوێنبەربوون لە دھۆک تۆمار نەکراوە"

دهۆک - AA

لە کۆنگرە رۆژنامەوانییەکەدا پارێزگارى دهۆک بە وەکالەت، بەهزاد عەلى ئادەم رایگەیاند "ئیدارەى پارێزگاى دهۆک لێژنەیەکى باڵاى پێکهێناوە کە سەرجەم قایمقام و لایەنە پەیوەندیدارەکان تیایدا ئەندامن بۆ جێبەجێکردنى هەر بڕیارێک کە لەبارەى پاراستنى تەندروستی گشتى هاووڵاتییان بدرێت".

پارێزگارى دهۆک بە وەکالەت، بەهزاد عەلى ئادەم لە کۆنگرە رۆژنامەوانییەکەدا گوتى: "هۆشیارکردنەوە و رۆشنبیرکردنى هاووڵاتییان لەمەڕ بابەتەکانى تەندروستى هەنگاوى سەرەکیمانە لەنێو هاووڵاتییاندا".

هەر لە کۆنگرە رۆژنامەوانییەکەدا بەڕێوەبەرى گشتى تەندروستى پارێزگاى دهۆک، نزار عیسمەت گوتى: " تا ئێستا شەش حاڵەتى نەخۆشى ئایدز لە پارێزگاى دهۆک تۆمارکراوە و، لەگەڵ سەرجەم لایەنە پەیوەندیدارەکان لە هەوڵى بەردەوامداین و لێژنەکانمان لە سەرتاسەرى پارێزگاى دهۆک لە هەوڵدان بۆ ئەوەى حاڵەتى زیاترى نەخۆشى ئایدز تۆمار نەکرێت".

* ماڵپەڕی ئاژانسی ئانادۆڵو، ئەم ھەواڵەی کە بڵاوکراوەتەوە کورت و پوخت کردووەتەوە و دواتر بڵاوی کردووەتەوە، بۆ بیینینی تەواوی ھەواڵەکە ببن بە ئابونەداری ئاژانسی ئانادۆڵو.