ئه‌فغانستان.. کوژرانی دوو هاووڵاتی توركیا

لەئاكامی هێرشێك بۆسەر شوێنكارێكی توركی لە كابولی پایتەختی ئەفغانستان، دوو كەس كوژران و سێ كەسی دیكەش بریندار بوون.

بەپێی ئەو زانیارییانەی دەست ئانادۆڵو كەوتووە، هێرشەكە لەكاتی بەڕێوەچوونی كۆبوونەوەی خاوەنەكانی شوێنكارەكەدا ئەنجام دراوە و كوژرانی دوو هاووڵاتی توركیا و بریندار بوونی دوو هاوڵاتی دیكەی توركیا و ئەفغانستانیەكی لێكەوتۆتەوە.

بەگوتەی شایەتحاڵان، شەوی رابردوو دوو كەسی چەكدار هەڵیانكوتاوەتە سەر شوێنكارەكە و تەقەیان كردووە.

هێشتا بەرپرسانی ئەو وڵاتە روونكردنەوەیان لەسەر رووداوەكە نەداوە و هیچ لایەنێكیش هێرشەكەی لەئەستۆ نەگرتووە.

لەلایەكی دیكەوە و نزیكەی سەعاتێك دوای هێرشەكە، بانگەشەی ئەوە كرا كە لە ناوچەی قەڵای فەتحوڵڵای كابول هاووڵاتییەكی توركیا رفێنراوە.