ئه‌مریكا... به‌هۆی با و بارانی به‌هێزه‌وه‌ پێنج كه‌س گیانیان له‌ده‌ستدا

نیویۆرك - AA

له‌ئه‌نجامی ئه‌و شه‌پۆله‌ به‌هێزه‌ی با و باراندا كه‌ باشووری ویلایه‌ته‌ یه‌كگرتووه‌كانی ئه‌مریكای گرتووه‌ته‌وه‌، پێنج كه‌س گیانیان له‌ده‌ستداوه‌.

به‌پێی هه‌واڵی مێدیاكانی ئه‌مریكا، شه‌پۆلێكی به‌هێزی با و باران باشووری ئه‌و وڵاته‌ی گرتووه‌ته‌وه‌ و كاریگه‌ریی نه‌رێنیی كردووه‌ سه‌ر ژیانی دانیشتوانی ناوچه‌كه‌.

له‌ ویلایه‌تی ته‌كساس دایكێك و دوو منداڵ كه‌ له‌نێو ئۆتۆمبێلێكدا گیران خواردبوو، گیانیان له‌ده‌ستدا.

له‌ لویزیاناش له‌ئه‌نجامی شکانی دره‌ختێك به‌سه‌ر ماڵێكدا، دوو كه‌س گیانیان له‌ده‌ستدا.