ئۆکراینا: ''تا ئەمڕۆ ٢٠ هەزار و ٩٠٠ سەربازی رووسیا کوژراون"

کیێڤ - AA

سوپای رووسیا کە جەنگی بەڕووی ئۆکراینادا کردووەتەوە، ٢٠ هەزار و ٩٠٠ سەرباز، ١٧١ فڕۆکە، ١٥٠ هێلێکۆپتەر و ٨١٥ تانکی لەدەستداوە.

سەرۆکایەتی ئەرکانی سوپای ئۆکراینا لە راگەیەندراوێکدا، زانیاری سەبارەت بە زیانەکانی سوپای رووسیا لە ٢٤ شوبات-٢٠ی نیسان راگەیاند.

بەپێی راگەیەندراوەکە، سوپای رووسیا کە هێرشی کردووەتە سەر ئۆکراینا، ٢٠ هەزار و ٩٠٠ سەربازی کوژراوە، ١٧١ فڕۆکە، ١٥٠ هێلێکۆپتەر و ٨١٥ تانک، دوو هەزار و ٨٧ زرێپۆش، ٣٩١ تۆپهاوێژ، ١٣٦ مووشەکهاوێژ و ٦٧ سیستەمی بەرگریی ئاسمانیی تێکشکێندراوە.

هەروەها راشيگەیاندووە کە هێزەکانی رووسیا هەزار و ٥٠٤ ئۆتۆمبێلی سەربازیی، هەشت کەشتی و بەلەمی نیمچەخێرا، ٧٦ تانکەری گواستنەوەی سووتەمەنی و ١٦٥ فڕۆکەی بێفڕۆکەوانی لەدەستداوە.

لە لایەکی دیکەوە، وەزارەتی بەرگریی رووسیا لە ٢٥ی ئاداری رابردوودا بڵاوی کردەوە کە لە ئۆکراینادا، هەزار و ٣٥١ سەربازیان کوژراون.