ئەفغانستان.. تەقینەوەکەی کابول

ژمارەی کوژراوانی تەقینەوە خۆکوژییەکەی بەردەم بەڕێوبەرایەتی گشتیی پۆلیسی سنوورپارێزی کابولی پایتەختی ئەفغانستان گەیشتە ٢٠ کەس.

لە روونكردنەوەیەكدا گوتەبێژی وەزیری ناوخۆی ئەفغانستان سدیق سدیقی گوتی: "پەلامارێكی خۆكوژی كرایە سەر بەڕێوبەرایەتی گشتیی پۆلیسی سنوورپارێزی كابول و بەهۆیەوە ٢٠ كەس كوژران و ٢٩ی دیكەش بریندار بوون".

جێگای باسە دوێنێ لە دوای تەقینەوەكە گوتەبێژی پۆلیسی كابول بەشیر موجاهید رایگەیاندبوو كەوا بەهۆی رووداوەکەوە ٩ كەس كوژراون و ١٢ی دیكەش بریندار بوون.

پێشتریش بزووتنەوەی تاڵیبان بەرپرسیارەتی خۆی لە تەقینەوەكە راگەیاندبوو.