ئەفغانستان.. کوژرانی دوو کارمەندی هێزە ئەمنییەکان

کابول- AA

چەکدارانی بزووتنەوەی تاڵیبان هێرشیانکردە سەر بنکەیەکی پۆلیس لە ویلایەتی غۆر ناوەڕاستی ئەفغانستان.

لەوبارەیەوە والی غۆر، نور محەمەد کۆهنەڤەرد لێدوانی بۆ کەناڵەکانی راگەیاندن دا و ئەوەی ئاشکرا کرد کە لە پەلامارەکەدا، دوو کارمەندی هێزە ئەمنییەکان کوژراون.

نور محەمەد کۆهنەڤەرد هەروەها رایگەیاند کە زیانی گیانی لە ریزی چەکدارانی تاڵیباندا کەوتووەتەوە بەبێ ئەوەی ژمارەی کوژاوان و بریندارانیان دیاریی بکات.

شایەتحاڵەکانیش باس لەوە دەکەن کە لە پەلامارەکەدا، چوار کارمەندی هێزە ئەمنییەکان کوژراون.

تا ئێستاش تاڵیبان هیچ راگەیەنراوێکی لەبارەی پەلامارەکە بڵاونەکردووەتەوە.