ئەمريكا شێوازەکانی هێرشی ئەلیکترۆنی کە لەلايەن رووسياوە بەکاردێت ئاشکراکرد

نیویۆرک - AA

ئاژانسەکانی ئاسایشی ئەمریکا و بەریتانیا، ئەوەیان بڵاوکردەوە کە شێوازی ئەو ھێرشە ئەلیکترۆنییانەی کە کراوەتە سەر پرۆگرامی کۆمپیوتەرەکانی کۆمپانیا نێودەوڵەتییەکانی وزە و کۆمپانیا زەبەلاحەکانی دیکە لەلایەن رووسیاوە ئەنجامدراوە.

لەو بەڵگەیەی کە لەلایەن ئاژانسی ئاسایشی نیشتیمانیی ئەمریکا (NSA)وە بڵاوکراوەتەوە، ئاماژە بەوە کراوە کە ھێرشی سەر خزمەتگوزاری ھەوریی سەدان دامەزراوەی حکوومی، کۆمپانیاکانی وزە و چەندین کۆمپانیای نێودەوڵەتی کە بە شێوازی "ھێزی گەورە" ناسراوە، ئەوە دەستنیشانکراوە کە ئەو شێوازەیە کە ھاکەرە رووسییەکان بەکاریدەھێنن.

بەڵگەکە جەختی لەوە کردەوە کە بەشێکی گرنگیی ھەوڵەکانی ھێرشە ئەلیکترۆنییەکان، خزمەتگوزاری ھەوریی بەرنامەی مایکرۆسۆفت ئۆفیس ٣٦٥ کردووەتە ئامانج و ئەوەشی ئاشکراکرد کە ھاکەرەکان بەدوای دابینکەری خزمەتگوزارییە ھەورییەکانی دیکە و ئیمەیلەکانەوەن.

بەڕێوەبەری ئسایشی ئەلیکترۆنیی NSA، رۆب جۆیس، لە راگەیەندراوێکدا، گوتی، "لە ھێرشەکانی ھێزی گەورە، ھاکەرەکان بۆ ئەوەی بتوانن بچنە ناو ماڵپەڕەکانەوە، تێپەڕوشەی جۆراوجۆر پێشبينيكراو بەکاردەھێنن".