''ئەمریکا بانگهێشتی کۆبوونەوەکانی ئاستانا کراوە''

مۆسکۆ- AA

وەزیری دەرەوەی رووسیا، سێرگی لاڤرۆڤ ئاشکرایکرد ئەمریکا بۆ کۆبوونەوەکانی ئاستانا سەبارەت بە سووریا بانگهێشتکراوە.

لاڤرۆڤ لەمیانەی بەرنامەیەکدا لە مۆسکۆ، وەڵامی پرسیاری رۆژنامەوانانی دایەوە و لەوەڵامی پرسیارێکدا سەبارەت بەوەی رووسیا بە چ مەرجێک ئەمریکای بۆ کۆبوونەوەکانی ئاستانا بانگهێشتکردووە، گوتی: ''ئەمریکا داوەتکراوە''.

هاوکات جێگری وەزیری دەرەوەی رووسیا، میخایل بۆگدانۆڤ لەگەڵ باڵیۆزی ئەمریکا لە مۆسکۆ جۆن تێفت کۆبوویەوە و تاوتوێی قەیرانی سووریا و کۆبوونەوەکانی ئاستانایان کرد.

پێشتر لاڤرۆڤ لە روونکردنەوەیەکیدا ئاماژەی بەوەکردبوو، پێویستە نوێنەرانی هەریەک لە نەتەوەیەکگرتووەکان و ئیدارەی نوێی ئەمریکا بانگهێشتی کۆبوونەوەکانی ئاستانا بکرێن.