ئەمریکا بەپەلە داوای لە ھاووڵاتیانی دەکات خاکی عێراق بەجێبھێڵن

ئەنقەرە - AA

ئەمریکا بەپەلە داوای لە ھاووڵاتیانی دەکات خاکی عێراق بەجێبھێڵن.

بەپێی ئەو راگەیەندراوەی باڵیۆزخانەی ئەمریکا بڵاویکردووەتەوە، بەھۆی بەرزبوونەوەی گرژی لە ناوچەکەدا، داوای لە ھاووڵاتیانی کردووە بە پەلە عێراق جێبھێڵن.

لە راگەیەندراوەکەدا ھاتووە: "پێویستە ھاووڵاتیانی ئەمریکا ئەگەر بکرێ بە رێگەی ئاسمانی، ئەگەرنا بە رێگەی وشکایی لەسەر وڵاتانی دیکەوە، عێراق جێبھێڵن".

ھەر لە راگەیەندراوەکەدا جەختیش لەوە کرایەوە کە بەھۆی ھێرشی ملیشیاکانی پشتیوانیکراو لەلایەن ئێران بۆ سەر باڵیۆزخانەی ئەمریکا لە عێراق، کارەکانی ئەو باڵیۆزخانەیە ھەڵپەسێندراون و داواش لە ھاووڵاتیان کرا کە لە بینایەی باڵیۆزخانە نزیک نەبنەوە.

لە راگەیەندراوەکەدا ئەوەش خرایەڕوو کە کاروباری پاسپۆرت و کارەکانی دیکەی ھاووڵاتیان بە رێگەی کۆنسڵخانەی ئەمریکا لە ھەولێر رایی دەکرێن.

ھاوکات ئاماژە بەوەشکراوە کە ئەو ھاووڵاتیانەی نیگەرانی کەسە نزیکەکانیان لە عێراق، پێویستە پەیوەندی بە وەزارەتی دەرەوەی ئەمریکاوە بکەن.