ئەمریکا...چەند بەرپرسێکی حکومەتەکەی ترەمپ بانگێشتی دادگا کران

نیویۆرک - AA

کۆمیتەی ئەنجوومەنی نوێنەرانی ئەمریکا کە بەرپرسیارە لە لێکۆڵینەوەی رووداوەکانی هەڵکوتانە سەر بینای کۆنگرێس لە شەشی کانوونی دووەمدا، ئەوەی ئاشکرا کرد کە چوار بەرپرسی سەردەمی دەسەڵاتەکەی ترەمپ-ی بانگهێشت کردوە بۆ ئەوەی گوتەیان لێ وەربگیرێت.

لەوبارەیەشەوە کۆمیتەکە راگەیەندراوێکی بڵاوکردوەتەوە و تیایدا ئەوە خراوەتەڕوو کە بەرپرسی پێشووی نووسینگەی تایبەتی کۆشکی سپی، مارک مێدۆوس، یاریدەدەری پێشووی بەرپرسی نووسینگەی کۆشکی سپی و بەرپرسی پەیوەندییەکان، دانییەل سکاڤینۆ، بەرپرسی پێشووی وەزارەتی بەرگری، کاشیاپ پاتێل و راوێژکاری پێشووی ترەمپ، ستێفان باننۆن، داوایان لێکراوە لە رۆژانی ١٤ و ١٥ی تشرینی یەکەمدا دەربارەی رووداوەکانی ناو بینای کۆنگرێس و هەوڵی کودەتا، ئیفادە بدەن.

لە راگەیەندراوەکەدا ئەوەش باس کراوە کە دەنگۆی ئەوە هەیە ئەو چوار کەسە لە شەشی کانوونی دووەم و رۆژانی پێشتردا لەبارەی هێرش کردنە سەر بینای کۆنگرێس و گۆڕینی ئەنجامی هەڵبژاردنەکان، لەگەڵ دۆناڵد ترەمپ لە پەیوەندیدابووبێتن.