به‌هۆی لافاوه‌وه‌ هه‌زار و ٤٦٩ خانوو له‌ ئیندۆنێزیا ژێرئاو كه‌وتوون

جاكارتا – AA

به‌هۆی لافاوه‌وه‌ كه‌ ویلایه‌تی كالیمانتانی رۆژئاوای ئێندۆنیزیای گرتووه‌ته‌وه‌، هه‌زار و ٤٦٩ خانوو ژێرئاو كه‌وتوون.

فه‌رمانگه‌ی نیشتمانیی كاره‌ساته‌كان رایگه‌یاند، به‌هۆی ئه‌و شه‌سته‌بارانه‌ی بێناوبڕ دوێنێ له‌ ناوچه‌ی مه‌لاوی له‌ ویلایه‌تی كالیمانتانی رۆژئاوا باریووه‌، لافاو له‌ ناوچه‌كه‌ روویداوه‌.

به‌هۆی لافاوه‌كه‌وه‌ هه‌زار و ٤٦٩ خانوو ژێرئاو كه‌وتوون و كه‌سێكیش گیانی له‌ده‌ستداوه.

هه‌روه‌ها زیاتر له‌ ٧٠ خانه‌واده‌ كه‌ زیان به‌ر خانووه‌كانیان كه‌وتووه‌، گواستراونه‌ته‌وه‌ شوێنی ئارام.

كاره‌كانی پاككردنه‌وه‌ و نۆژه‌نكردنه‌وه‌ دوای لافاوه‌كه‌ ده‌ستیان پێ كردووه‌. ‌