بومەلەرزەیەک لە ئەرزەڕۆم روویدا

ئەرزەڕۆم - AA

بومەلەرزەیەک بە گوڕی ٤ پلەی بە پێوەری رێختەر لە شارۆچکەی عەزیزیە سەر بە پارێزگای ئەرزەڕۆم روویدا.

بەپێی ئەو زانیاریانەی لە ماڵپەڕی بەڕێوەبەرایەتی کارەسات و باری لەناکاو بڵاوکراوەتەوە، ئەمڕۆ ئێوارە کاتژمێرە ٠٦:٠١ بومەلەرزەیەک بە گوڕی ٤ پلەی رێختەر لە شارۆچکەی عەزیزیە سەر بە پارێزگای ئەرزەڕۆم روویداوە.

راشگەیەنرا کە ناوەندی بومەلەرزەکە لە نزیک بەنداوی کوزگونی شارۆچکەکە، لە قوڵایی حەوت کیلۆمەتر لە ناخی زەویدا روویداوە.