بوومه‌له‌رزه‌یەک بەگوڕی ٧،٣ پلە ئیندۆنێزیای هەژاند

جاکارتا - AA

بوومه‌له‌رزه‌یه‌ك بەگوڕی ٧،٣ پلە لەسەر پێوەری رێختەر رۆژهەڵاتی ئیندۆنێزیای هەژاند.

بەپێی دەستەی رووپێویی جیۆلۆجیی ئەمریکا (USGS)، بوومه‌له‌رزه‌یه‌ك بەگوڕی ٧،٣ پلە لەسەر پێوەری رێختەر رۆژهەڵاتی ئیندۆنێزیای هەژاندووە.

بوومەلەرزەکە کە کاتژمێر ١١:٢٠ بەکاتی ئیندۆنێزیا کەناراوەکانی هەرێمی فلۆرێس ئایسلاندی گرتووەتەوە لە قوڵایی ١٨،٥ کیلۆمەتر روویداوە و دوای بوومەلەرزەکەش هۆشداری درا لەبارەی روودانی تسۆنامی.

گوتەبێژی ئاژانسی کەمکردنەوەی کاریگەرییەکانی کارەساتە سروشتییەکان لە ئیندۆنێزیا، عەبدول موهاری ئاماژەی بەوە کرد کە لە ناوچەکەدا، بەتوندی هەست بە هێزی بوومەلەرزەکە کراوە.

گوتیشی: ''هێشتا زانیاری نییە لەبارەی زیانەکان، بەڵام تیمە پەیوەندیدارەکان لە هەوڵدان بۆ کۆکردنەوەی زانیاری''.

لە مانگی کانوونی دووەمدا لە دوورگەی وێست سولاوێسی باکووری رۆژهەڵاتی ئیندۆنێزیا، بوومه‌له‌رزه‌یه‌ك بەگوڕی ٦،٢ پلە روویدا و بەهۆیەوە زیاتر لە ١٠٠ کەس گیانیان لەدەست دا.