ترمپ لە ویلایەتی وێرجینیای رۆژئاوا و جۆ بایدن لە ویلایەتی وێرجینیا براوە بوون

نیویۆرک - AA

لە هەڵبژاردنى ٥٩هەمين سەرۆكى ئەمريكادا، دۆناڵد ترمپ لە ویلایەتی وێرجینیای رۆژئاوا و جۆ بایدن لە ویلایەتی وێرجینیا براوە بوون.

ئاژانسی هەواڵی (AP)ی ئەمریکی بڵاویکردەوە کە بە پێی سەرەتاییترین ئامارە نافەرمییەکان، دۆناڵد ترمپ لە ویلایەتی وێرجینیای رۆژئاوا و جۆ بایدن لە ویلایەتی وێرجینیا براوە بوون.

ترەمپ لە هەڵبژاردنەکانی ساڵی ٢٠١٦ی سەرۆکایەتی ئەمریکا توانیبووی لە ویلایەتی وێرجینیای رۆژئاوا رکابەرەکەی هیلاری کلینتۆن شکست بدات.

لە هەمان خولی هەڵبژاردن، کلینتۆن توانیبووی دەنگی زۆرینەی ویلایەتی وێرجینیا بە دەست بێهێنیت کە ئێستا هەمان دۆخ بۆ بایدن دووبارە بۆتەوە.

بەو پێیە لە ئێستادا ترمپ ٥ دەنگی ئەلیکترالی لە ویلایەتی وێرجینیای رۆژئاوا و بایدن ١٣ دەنگی ئەلیکترالی لە ویلایەتی وێرجینیا بۆخۆی مسەوگەر کردووە.

سەرۆکی هەڵبژێردراوی ئەمریکا بە پێی یاسای ئەو وڵاتە پێویستە لە کۆی ٥٣٨ بازنەی دەنگدان (ئەلیکترال)، دەنگی نیوە زیاتر واتە ٢٧٠ بازنە بۆخۆی مسەوگەر بکات و لەسەر کورسی سەرکۆماری ئەمریکا دابنیشێت.