جێگری سەرکۆماری تورکیا و وەزیری گەنجینە و دارایی سەردانی قەتەر دەکەن

ئەنقەرە - AA

ئەمڕۆ شەممە، جێگری سەرکۆماری تورکیا، جەودەت یڵماز و وەزیری گەنجینە و دارایی ولاتەکە، مەهمەت شیمشەک سەردانی قەتەر دەکەن.

بەپێی زانیاری دەستکەوتوو، پێش سەردانەکەی ١٧-١٩ی تەمووزی سەرکۆماری تورکیا، رەجەب تەیب ئەردۆغان بۆ وڵاتانی کەنداو، یڵماز و شیمشەک سەردانی قەتەر دەکەن.

لە چوارچێوەی سەردانەکەیاندا سبەی یڵماز و شیمشەک لە دیوانی میری لەگەڵ میری قەتەر، تەمیم بن حەمەد ئال سانی کۆدەبنەوە و، زنجیرەک کۆبوونەوە نێوان شاندەکان ئەنجام دەدەن بەمەبەستی بەهێزکردنی پەیوەندییەکانی نێوان تورکیا و قەتەر و هەڵسەنگاندنی هاریکاری ئابووریی نێوانیان.