جەژنی رەمەزان لە ناوچەی جەنگ لە سووریا

دیمەشق - AA

بەبۆنەی هاتنی جەژنی رەمەزانەوە، موسوڵمانانی سووریا لە ناحیەکانی میسرابا، سەبقە، زمێلکا، ئاربین، دوما-ی سەر بە غوتەی رۆژهەڵات کە لەژێر گەمارۆی هێزەکانی رژێمی ئەسەددان،سەردانی مزگەوتەکان دەکەن.

دوای نوێژی جەژنیش هاووڵاتیان پەیتا پەیتا سەردانی مەزارگەکان دەکەن و هیواخوازن ئاشتی باڵ بەسەر وڵاتەکەیاندا بکێشێت.

هاووڵاتییەکی دانیشتووی شارۆچکەی دوما لە دیمەشق لە لێدوانیدا بۆ پەیامنێری ئاژانسی ئانادۆڵو ئاماژەی بەوەدا کە ئەو خوازیارە جەژن ئاشتی بۆ وڵاتەکەیان بهێنێت و دوای چوار ساڵ یەکەم جارە بێ ئەوەی بکەونە ژێر هەڕەشەی هێرشەکانی رژێمی ئەسەد، جەژن دەکەنەوە و دەڵێت "نوێژی جەژنمان کرد. ئێستا سەردانی مەزارگەی ئەو کەسانە دەکەین کە بەهۆی پێکدادانەکانەوە گیانیان لەدەست داوە".