خستنەخوارەوەی فڕۆکەیەکی بێفڕۆکەوان لە لایەن سوپای ئیسرائیل

قودس ــ AA

سوپای ئیسرائیل رایگەیاند کە فڕۆکەیەکی بێفڕۆکەوانی خستووەتەخوارەوە کە لە کەرتی غەززەوە ئاراستەی ئیسرائیل کرابوو.

لە راگەیەندراوێکی سوپای ئیسرائیلدا ھاتووە "فڕۆکەیەکی بێفڕۆکەوان کە لە کەرتی غەززەوە ئاراستەی ئیسرائیل کرابوو لە لایەن ھێزی بەرگریی ئاسمانییەوە خرایەخوارەوە".

بەپێی راگەیەندراوەکە، دوای خستنەخوارەوەی، فڕۆکە بێفڕۆکەوانەکە دەستی بەسەرداگیراو و دواتر برا بۆ پکشنین.

سوپای ئیسرائیل روونکردنەوەی زیاتری لەوبارەیەوە نەخستووەتەڕوو.

ھیچ لایەنێکی فەڵەستینی بەرپرسیاریەتی خۆی لە ئاراستەکردنی فڕۆکە بێفڕۆکەوانەکە بۆسەر ئیسرائیل رانەگەیاندووە.