رۆژنامەی New York Timesی ئەمریکی رەخنە لە ترەمپ دەگرێ

نیویۆرک - AA

لە وتارێکی رۆژنامەی New York Timesی ئەمریکی رەخنەی توند لە سیاسەتی سەرۆکی ئەمریکا، دۆناڵد ترەمپ بەرامبەر منداڵانی پەناخوازان گیرا و داوای کۆتایھێنان بەم پرسە ھێنرا.

وتارەکە لە ژێر ناونیشانی "ھەزاران منداڵ لە چۆلایی دەڕزێنەوە. کۆتایی بە سیاسەتی بێ بەزییانەی ترەمپ بھێنن"، بڵاوکرایەوە.

لە وتارەکەدا بەرگری لەوە کرا کە ئیدارەی ترەمپ قەیرانی دەستبەسەرکردنی منداڵانی پەناخوازانی نایاسایی لە ئەمریکا دروستکردووە و ئاماژە بەوەش کراوە کە تا ئێستا نزیکەی دوو ھەزار منداڵی پەناخواز لە تاریکایی شەو لە شوێنەکانی خۆیان دەرھێنراون و سواری پاس کراون و پاشانیش نێردراون بۆ کەمپێکی شاری تۆرنیلۆ لە ناوەندی چۆلاییەکانی تێکساس".

ھەر لە وتارەکەدا جەخت لەسەر ئەوە کراوەتەوە کە لە سەردەمی ئیدارەی ترەمپ دەستبەسەرکردنی منداڵانی پەناخواز بە رێژەیەکی زۆر زیادیکردووە. لە وتارەکەدا زیاتر ھاتووە:

"ئەوەی راستی بێت تەوژمی رەوتی پەناخوازان بۆ ئەمریکا لە چاو ساڵانی رابردوو زیاتر نییە. ئەوەی لێرەدا پێویستە تۆمەتبار بکرێ، سیاسەتە بێ بەزییانەی ئیدارەی ترەمپە".

لە وتارەکەی ئەو رۆژنامە بەناوبانگەی ئەمریکا ئەوەش خرایەڕوو کە ناوەندی دەستبەسەرکردنی منداڵانی پەناخواز لە ویلایەتی تەکساس ھیچ دڵنیاییەکی پێویست لە بارەی پرسەکانی دەستدرێژی سێکسی و فیزیکی بۆ سەر منداڵان دەستەبەر ناکات.

لە کۆتایی وتارەکەدا نووسراوە:

"چارەسەریی درێژخایەتی ئەو کێشانەی کە ئەمریکا لەبارەی پەناخوازان رووبەڕووی بووەتەوە، تەنھا بە پەیڕەوکردنی سیاسەتێکی گشتگیر و رێککەوتنی سیاسی دەبێ. دەستەبەرکردنی بێ سنووری منداڵانی پەناخواز تەنھا دەبێتە مایەی شەرم".