سووریا.. تەقینەوەیەک لە شاری جەرابلوس

جەرابلوس/ئەنقەرە - AA

لە ئەنجامی تەقینەوەی ئۆتۆمبیلێکی بۆمبڕێژکراو لە شاری جەرابلوس سەربە پارێزگای حەلەب باکووری سووریا، کەسێکی مەدەنی کوژرا و ٢٤ی دیکەش برینداربوون.

لەبەردەم خوێندنگەی ئەحمەد سەلیم موللا لە شارۆچکەی جەرابلوس باکووری سووریا، ئۆتۆمبیلێکی بۆمبڕێژکراو تەقییەوە.

لە ئەنجامی تەقینەوەکەدا، هاووڵاتییەکی مەدەنی کوژرا و ٢٤ی دیکەش برینداربوون کە برینی پێنجیان سەختە.

ئەوانی کە برینەکانیان سەختە رەوانەی تورکیا کراون و ئەوانی دیکەش برانە نەخۆشخانەکانی جەرابلوس.

لە کاتێکدا کە تیمەکانی بەرگری شارستانی سەرگەرمی کوژاندنەوەی ئاگرەکانن، هێزە ئەمنییەکان دەستیان بە گرتنەبەری رێوشوێنەکان کردووە.

هێشتا هیچ لایەنێک بەرپرسیاریەتی خۆی لە ئەنجامدانی تەقینەوەکە رانەگەیاندووە.