سووریا.. لە پەلامارێکی تیرۆریستیدا لە شاری ئەعزاز کەسێک کوژرا

ئەعزاز - AA

لە شاری ئەعزاز باکووری سووریا کە لەژێر کۆنترۆڵی هێزەکانی ئۆپۆزسیۆندایە، تەقینەوەیەک روویدا و لە ئاکامدا، کەسێک کوژرا و کەسێکی دیکەش برینداربوو.

پەلامارە تیرۆریستییەکە لەڕێی تەقاندنەوەی بۆمبێکەوە ئەنجامدرا کە بە ئۆتۆمبێلێکەوە بەسترابوو.

بەگوێرەی ئامارە بەراییەکان لە پەلامارەکەدا، کەسێک کوژراوە و کەسێکی دیکەش برینداربووە، هەروەها شوێنەکانی نزیک رووداوەکە زیانیان بەرکەوتووە.

هێزە ئەمنییەکان دەستیان بە لێکۆڵینەوە لە رووداوەکە کردووە و باوەڕیشیان وایە کە بە ئەگەرێکی بەهێز، پەلامارەکە لەلایەن رێکخراوی تیرۆریستی یەپەگە/پەکەکەوە ئەنجامدراوە.