سوپاى ئەرمينيا خەڵكى سڤيلى ئازەربايجان دەكەنە ئامانج

باكو - AA

ژمارەى ئەو سڤيلانەى كە لە ئەنجامى هێرشەكانى سوپاى ئەرمينيا بۆ سەر ناوچە سڤيلنشينەكانى ئازەربايجان بوونەتە قوربانى بۆ ١٥ كوژراو و ٤٩ بريندار بەرزبوويەوە.

لەو راگەيەنراوەى كە لە سەرۆكايەتى داواكارى گشتيى ئازەربايجانەوە بڵاوكراوەتەوە، ئاماژە بەوە كراوە كە هێزەكانى ئەرمينيا باڵەخانە حكوومييەكان، نەخۆشخانە و بنكە تەندروستييەكان، خوێندنگە و باخچەى ساوايانى كردووەتە ئامانج.

بە پێى راگەيەنراوەكە، سوپاى ئەرمينيا، لە ٢٧ى ئەيلوولەوە بۆ ئێستا ١١٦ ماڵ و ٢٦ باڵەخانەى حكوومييان خاپور كردووە.

هاوكات ئەو هێرشانەى ئەرمينيا بووەتە هۆى كوژرانى ١٥ كەسى سڤيلى ئازەرى و برينداربوونى ٤٩ى ديكە.

داواكارى گشتى، دەستپێكردنى لێكۆڵينەوەيەک لەسەر بابەتەكەى راگەياند.