سوپای ئازەربایجان ٢٣ گوندی دیکەی رزگارکرد

باکو- AA

سەرکۆماری ئازەربایجان، ئیلهام عەلیێڤ، بڵاوی کردەوە کە سوپای وڵاتەکەی ٢٣ گوندی دیکەی لە داگیرکاری ئەرمینیا رزگارکردووە.

عەلیێڤ لە هەژماری تایبەتی خۆی لە تۆڕی کۆمەڵایەتیی تویتەر، رایگەیاند: ''سوپای ئازەربایجان ٢٣ گوندی دیکەی لە پارێزگاکانی فوزولی، هاجالی، گوبادلی و زەنگیلان لە دەست داگیرکاری ئەرمینیا رزگار کردووە. بژی سوپای ئازەربایجان. قەرەباغ ئازەربایجانە''.

لە چوارچێوەی ئەو ئۆپەراسیۆنەی سوپای ئازەربایجان لە ٢٧ی ئەیلوولدا لە قەرەباغ دەستیپێکردووە، پێنج ناوەندی شار، سێ قەزا و نزیکەی ٢٤٠ گوند و چەند بەرزاییەکی ستراتیجی لەدەست داگیرکاری ئەرمینیا رزگارکراون.