سوپای ئیسرائیل بەردەوامە لە پێشێلکردنی سەروەریی خاکی سووریا

سوپای ئیسرائیل لە میانی ھەڵکوتانە سەر گوندی ڕەسم عەجرەف سەربە پارێزگای قونەیترە باشووری سووریا، ھەڵمەتی گەڕان و پشکنینی لە ماڵەکانی ناو گوندەکە ئەنجامدا.

کەناڵی فەرمیی سووریا "ئەلئیخارییە"، بڵاوی کردەوە کە ھێزەکانی سوپای ئیسرائیل ھەڵیانکوتاوەتە سەر گوندی بەریقە سەربە پارێزگای قونەتیرە.

کەناڵەکە باسی لەوەش کرد کە ھێزەکانی سوپای ئیسرائیل ھەڵیانکوتاوەتە سەر گوندی ڕەسم عەجرەف سەربە پارێزگای قونەتیرە و لە میانیدا ھەڵمەتی گەڕان و پشکنینی لە ماڵەکانی ناو گوندەکە ئەنجامداوە.

ھەر بەپێی کەناڵەکە، سوپای ئیسرائیل بە ئاراستەکردنی دوو گولـلە ھاوەن، ناوچەیەکی لە سنووری پارێزگای دیمەشق بۆردومان کردووە.