سەرۆکی ئوکراینا دووچاری رووداوی هاتوچۆ بوو

کیێڤ - AA

سەرۆکی ئوکراینا، ڤلۆدۆیمیر زێلێنسكی لە ئەنجامی رووداوێکی هاتوچۆدا، بەسووکی بریندار بوو.

گوتەبێژی سەرۆکایەتی ئۆکراینا، سێرگی نیکیفۆرۆڤ دەربارەی رووداوەکە روونکردنەوەیەکی لە هەژماری تایبەتی خۆی لە تۆڕی کۆمەڵایەتیی فەیسبووک بڵاوکردووەتەوە و تیایدا ئەوەی خستووەتەڕوو کە کاروانی ئۆتۆمبێلەکانی ڤلۆدۆیمیر زێلێنسكی لە شاری کیێڤ، خۆی کێشاوە بە ئۆتۆمبێلێکدا.

سێرگی نیکیفۆرۆڤ ئەوەشی ئاشکرا کردووە کە لە ئەنجامی رووداوەکەدا، شۆفێری ئۆتۆمبێلەکە بریندار بووە و لەلایەن ئەو تیمە پزیشکییەی یاوەری سەرۆکی ئۆکراینایان کردووە، فریاگوزاری سەرەتایی بۆ کراوە و دواتر گەیەندراوەتە نەخۆشخانە.

گوتەبێژەکەی سەرۆکایەتی ئۆکراینا، باسی لەوەش کردووە کە ڤلۆدۆیمیر زێلێنسكی بەهۆی پێکدادانی ئۆتۆمێلەکانەوە، بەسووکی برینداربووە و لێکۆڵینەوەش لە رووداوەکە دەستی پێ کردووە.