Ramal Abdullah Mahmood
09 مای,س 2019•نوێکردنەوە: 09 مای,س 2019
پاریس – AA
فهڕهنسا نیگهرانی خۆی دهربڕی سەبارەت به بڕیاری حكوومهتی ئێران بۆ راگرتنی بهشێك لهو بهڵێنانهی له میانی رێككهوتنی ئهتۆمی داویهتی و رایگهیاند كه ئهو پێداگیره لهسهر جێبهجێكردنی تهواوهتی رێككهوتنهكه كه بۆ ئاسایشی نێودهوڵهتی گرنگه.
وهزارهتی دهرهوهی فهڕهنسا له راگهیهندراوێكدا لهبارهی بڕیاری حكوومهتی ئێران بۆ راگرتنی بهشێك لهو بهڵێنانهی له میانی رێككهوتنی ئهتۆمی داویهتی، نووسیوویهتی "فهڕهنسا نیگهرانه لهو لێدوانانه. فهڕهنسا پێداگیره لهسهر جێبهجێكردنی تهواوهتی رێككهوتنهكه كه بۆ ئاسایشی نێودهوڵهتی گرنگه".
وهزارهتی دهرهوهی فهڕهنسا به پێویستی زانیووه لایهنه بهشداربووهكانی رێككهوتنهكه خۆیان له ههر جۆره كارێك بهدوور بگرن كه دهبێته كۆسپ لهبهردهم جێبهجێكردنی رێككهوتنهكه و دهڵێت "فهڕهنسا بهتوندی داوا له ئێران دهكات بهردهوامی بدات به جێبهجێكردنی ههموو ئهو ئهركه ئهتۆمییانهی لهو رێككهوتنهیهدا هاتوون".
له كاتێكدا له راگهیهندراوهكهدا داوا كراوه لایهنهكان خۆیان بپارێزن له ههر ههنگاوێك كه رێككهوتنهكه لهگهڵ ئێران پێشێل دهكات، ئهوهش خراوهته روو كه لێدوان و راگهیهندراوهكانی فهڕهنسا سهبارهت به ئێران پهیوهندی به ئهورووپییهكانیشهوه ههیه.
وهزیری دهرهوهی ئێران، محهمهد جهواد زهریف ماوهیهك دوای سزا نوێیەكانی ئهمریكا بۆ سهر وڵاتهكهی رایگهیاند كه بڕیاریان داوه بهشێك لهو بهڵێنانه رابگرن كه له میانی رێككهوتنی ئهتۆمیدا جێبهجێیان كردوون.
محهمهد جهواد زهریف ههروهها گوتبووشی: "بڕیاری راگرتنی بهڵێنهكانی ماددهكانی ٢٦ و ٣٦ی رێككهوتنی ئهتۆمی پهیوهندیداره به بڕیاری سزا نوێیەكانی ئهمریكا بۆسهر ئێران له چواری ئایاردا. بهو سزایانه دهرفهت له بهردهم جێبهجێكردنی ئهو مادانه نهماوه. ئهمریكییهكان بۆچوونێكی بونیاتنهرانهیان نییه بۆ رێككهوتنی ئهتۆمی ئێران و دیاریشه بهردهوام دهبن لهو بۆچوونه".
