كرملین: "راده‌ستكردنی S-400 به‌پێی رۆژژمێری پلان بۆ دانراو به‌ڕێوه‌ده‌چێت"

مۆسكۆ - AA

گوته‌بێژی كرملین، دمیتری پێسكۆڤ ئاشكرایكرد پڕۆسه‌ی راده‌ستكردنی سیستمی به‌رگریی ئاسمانیی S-400 به‌ توركیا، به‌پێی رۆژژمێری پلان بۆ دانراو به‌ڕێوه‌ده‌چێت و هیچ جۆره‌ دواكه‌وتنێك له‌وباره‌یه‌وه‌ جێگه‌ی باس نییه‌.

دمیتری پێسکۆڤ له‌ لێدوانێكدا بۆ رۆژنامه‌وانان له‌ شاری نورسوڵتان پایته‌ختی كازاخستان ئاماژه‌ی به‌وه‌كرد کە له‌سه‌ر داواكاریی توركیا راده‌ستكردنی سیستمی S-400 پێشخراوە.

دمیتری پێسکۆڤ جه‌ختی له‌وه‌كرده‌وه‌ کە پڕۆسه‌كه‌ به‌پێی رۆژژمێری پلان بۆ دانراو به‌ڕێوه‌ده‌چێت و گوتی: "هه‌موو شتێك به‌پێی پلانه‌كان به‌ڕێوده‌چێت و هیچ دواكه‌وتنێك له‌ ئارادا نییه‌".