كه‌شتییه‌كی جه‌نگیی به‌ریتانیا گه‌یشته‌ كه‌نداو

له‌نده‌ن - AA

كه‌شتیی جه‌نگیی به‌ریتانی HMS Duncan كه‌ نێردراوه‌ بۆ گه‌رووی هورمز، گه‌یشته‌ ناوچه‌كه‌.

به‌پێی راگه‌یه‌نراوێكی وه‌زاره‌تی به‌رگریی به‌ریتانیا، كه‌شتیی جه‌نگیی HMS Duncanی سه‌ربه‌ هێزی ده‌ریایی به‌ریتانیا، به‌مه‌به‌ستی هاوكاری كردنی HMS Montrose گه‌یشتووه‌ته‌ كه‌نداو.

راگه‌یه‌نراوه‌ كه‌ كه‌شتیی جه‌نگیی HMS Duncan دوای ئه‌وه‌ی له‌ كۆتایی مانگی ئابدا ئه‌ركی كه‌شتیی HMS Montrose كۆتایی دێت، له‌جێی ئه‌و له‌كه‌نداو ده‌مێنێته‌وه.

له‌ 4ی ته‌مووزه‌وه‌ دوای ئه‌وه‌ی به‌ریتانیا له‌ گەرووی جه‌به‌ل تاریق ده‌ستی به‌سه‌ر كه‌شتییه‌كی نه‌وت هه‌ڵگری ئێراندا گرت، گرژی كه‌وتووه‌ته‌ نێوان به‌ریتانیا و ئێران و 19ی ته‌مووز ئێران له‌ گه‌رووی هورمز ده‌ستی به‌سه‌ر دوو كه‌شتیی نه‌وتیی به‌ریتانیادا گرت.