كوژرانی سەربازێکی ئەمریكی لە مووسڵ پشتڕاستكرایەوە

هاوپەیمانێتی نێودەوڵەتی دژبە داعش، كوژرانی سەربازێکی ئەمریكی لە نزیك شاری مووسڵ پشتڕاستكردەوە.

لە بەیاننامەیەكدا، هاوپەیمانێتی نێودەوڵەتی ئاماژەی بەوە داوە كە دوێنێ‌ شەممە، بە هۆی تەقینەوەی بۆمبێكی چێنراو لە نزیك شاری مووسڵ، سەربازێكی ئەمریكی كوژراوە.

هاوپەیمانێتی نێودەوڵەتی بە سەركردایەتی ئەمریكا روونكردنەوەی زیاتری لەبارەی رووداوەكە نەخستووەتە روو.

دوێنێ‌ شەممە میدیاکان بڵاویان کردەوە کە بە هۆی تەقینەوەی بۆمبێكی چێنراو لە نزیك شاری مووسڵ، سەربازێكی ئەمریكی كوژراوە.