لێدوانی ترەمپ لەبارەی بڕیاری دەستلەکار کێشانەوەی تێرێزا مای

واشنتۆن - AA

سەرۆکی ئەمریکا، دۆناڵد ترەمپ رایگەیاند کە ئەو دڵگران بووە بە بڕیاری دەستلەکار کێشانەوەی سەرۆکوەزیرانی بەریتانیا، تێرێزا مای و گوتی: "ئەمەی بۆ چاکەی وڵاتەکەی خۆی کرد".

سەرۆکی ئەمریکا، دۆناڵد ترەمپ پێش سەردانەکەی بۆ وڵاتی ژاپۆن لە باخچەی کۆشکی سپی ھەڵسەنگاندنی بۆ بڕیاری دەستلەکار کێشانەوەی سەرۆکوەزیرانی بەریتانیا، تێرێزا مای کرد.

ترەمپ لەمبارەیەوە گوتی: "دڵگران بووم بۆ تێرێزا، ئەوم زۆر خۆشدەوێت. ئافرەتێکی باشە. زۆر زیرەک و بەھێزە. بڕیارێکی دەرکرد کە بەشێکی خەڵک بە سوپرایز و بەشێکی دیکە بە ئاسایی پێشوازیان لێ کرد. ئەمەی بۆ چاکەی وڵاتەکەی خۆی کرد. ئەوم خۆشدەوێت، لەکاتێکدا دوو ھەفتەی دیکە کۆدەبینەوە".

سەرۆکوەزیرانی بەریتانیا، تێرێزا مای رایگەیاندبوو کە لە ٧ی حوزەیران لە سەرۆکایەتی پارتەکەی دەستلەکار دەکێشێتەوە.