Esat Fırat
11 مای,س 2021•نوێکردنەوە: 11 مای,س 2021
قودس - AA
ژمارەی ئەو کەسانەی کە لە ئاکامی دووبارە دەستوەردانەوەی توندی پۆلیسی ئیسرائیل بۆسەر فەڵەستینییەکان لە مزگەوتی ئەقسا قودسی رۆژھەڵاتی داگیرکراو برینداربوون گەیشتووەتە ٢٨١ کەس.
مانگی سووری فەڵەستین رایگەیاند کە لە ئاکامی دووبارە دەستوەردانەوەی پۆلیسی ئیسرائیل ٢٨١ کەس برینداربوون.
لە راگەیەندراوەکەدا ئاماژە بەوەشکراوە کە پۆلیسی ئیسرائیل، فیشەکی پلاستیکی و بۆمبی دەنگی لەنێو حەرەمی شەریف بەکارھێناوە و ١٦١ کەسیش لە بریندارەکان رەوانەی نەخۆشخانە کراون.
راشگەیەندرا کە لە ئاکامی ھێرشەکانی پۆلیسی ئیسرائیل لە بەرەبەیانی دوێنێ بەملاوە تا ئێستا ٦١٢ کەس برینداربوون و لەو ژمارەیەش ٤١١ کەس بەمەبەستی چارەسەرکردن رەوانەی نەخۆشخانە کراون.
