لە باکووری عێراق و سووریا ١٦ تیرۆریست لە چالاکی خران

ئەنقەرە - AA

وەزارەتی بەرگریی تورکیا ڕایگەیاند، لە باکووری عێراق و سووریا بە گشتی ١٦ تیرۆریست لە چالاکی خران.

وەزارەتی بەرگریی تورکیا لە ڕاگەیاندراوێکدا بڵاوی کردەوە کە، "سوپای تورکیا لە خواکورک و مەتینا لە باکووری عێراق ١٤ تیرۆریستی پەکەکە و هەروەها ناوچەی ئۆپەراسیۆنی قەڵغانی فورات لە سووریا، دوو تیرۆریستی پەکەکە/یەپەگەی لە چالاکی خست".

لە ڕاگەیاندراوەکەدا جەختیش لەوە کراوەتەوە کە ئۆپەراسیۆنەکان بۆ وشککردنەوەی سەرچاوەی تیرۆر بە پێداگرییەوە بەردەوامە.