لە پەلامارێکی ئیسرائیل-دا کامێرامان و فۆتۆگرافەرێکی ئاژانسی ئانادۆڵو برینداربوون

لە پەلامارێکی ئیسرائیل بۆسەر کەرتی غەززە کامێرامانی ئاژانسی ئانادۆڵو، محەمەد ئەلعەلول و فۆتۆگرافەری ئاژانس، مستەفا حاسونا و شۆفێرەکانیان برینداربوون.

دوای بۆردوومانەکەش گوازرانەوە بۆ نەخۆشخانەی ئەندۆنیزیا لە باكووری غەززە و لە ئێستادا رەوشی تەندروستییان جێگیرە.

- رووداوەکانی قودس و کەرتی غەززە

گرووپە شۆڕشگێڕە فەڵەستینییەکانی کەرتی غەززە، تا کاتژمیر شەشی ئێوارەی ١٠ی ئایار مۆڵەتیان دابووە هێزەکانی ئیسرائیل بۆ ئەوەی لە مزگەوتی ئەقسا و گەڕەکی شێخ جەڕاح بکشێنەوە کە دەکەونە رۆژهەڵاتی قودس.

بەهۆی نەکشانەوەی هێزەکانی ئیسرائیل، گرووپە فەڵەستینییەکان ژمارەیەکی زۆر مووشەکیان ئاڕاستەی ئیسڕائیل کرد.

دواتر سوپای ئیسرائیل ئۆپەراسیۆنێکی چڕی بۆسەر کەرتی غەززە دەستپێکرد.