مۆسکۆ.. نمایشکردنی تاڵە مووێکی قژی حەزرەتی محمد "د.خ"

لە میانی پیشانگایەکی ئایینیدا لە مۆسکۆی پایتەختی رووسیا، تاڵە موێکی قژی پێغەمبەری ئیسلام محمد درودی خوای لەسەر بێت، نمایش کرا.

بەڕێوبەرایەتی ئایینی موسوڵمانانی رووسیا، پێشانگایەكی لەبارەی ژیان و رەوشتی پێغەمبەری ئیسلام محمد درودی خوای لەسەر بێت كردەوە.

لە میانی پیشانگایەكەش تاڵە مووێكی قژی حەزرەتی محمد نمایش كرا و موسوڵمانان ریزیان گرتبوو بۆئەوەی سەیری تاڵە مووەكە بكەن.

لە پیشانگاكەدا هەروەها كتێبی قورئانی پیرۆز و كتێبەكانی حەدیس و ژیاننامەی پێغەمبەر بۆ فرۆشتن نمایش كران.

لە لێدوانێكیدا بۆ رۆژنامەنووسان، بەڕێوبەری بەڕێوبەرایەتی ئایینی موسوڵمانانی رووسیا ئالیاوتدینۆڤ گوتی: "ئامانجمان لە پیشانگاكە زیاتر ناساندنی ئیسلام و پێغەمبەری ئیسلام بوو بە موسوڵمانان، خۆشبەختانە پرۆگرامەكە گرنگیەكی زۆری پێدرا لە رووسیا".