ناتۆ: "ئامادەین هاوکاری پێشکەشی تورکیا و یۆنان بکەین"

بڕۆکسل- AA

سکرتێری گشتی ناتۆ، یەنس ستۆڵتنبێرگ رایگەیاند ناتۆ، ئامادەیە بەهۆی ئەو بوومەلەرزەیەی لە دەریای ئیجەدا روویداوە هاوکاری تورکیا و یۆنان بکات.

ستۆڵتنبێرگ، لە هەژماری تایبەتی خۆی لە تۆڕی کۆمەڵایەتی تویتەر بابەتێکی لەبارەی بوومەلەرزەکەی ئەمڕۆی دەریای ئیجە بڵاوکردوەتەوە و ئامادەیی ناتۆی بۆ یارمەتیدانی هەردوو هاوپەیمانی رێکخراوەکە تورکیا و یۆنان دووپاتکردوەتەوە.

ستۆڵتنبێرگ نوسیویەتی: "دڵم لەگەڵ زیانلێکەوتوانی بومەلەرزەکەیە."