هێرشی ئیسرائیل بۆ سەر غەززە کوژرانی ١٠ فەڵەستینی لێکەوتەوە

غەززە - AA

هێرشی سوپای ئیسرائیل بۆ سەر کەرتی غەززە کوژرانی ١٠ فەڵەستینی لێکەوتەوە.

بە پێی ئەو زانیارییەی کە لە سەرچاوەکانی تەندروستی دەست کەوتووە، سوپای ئیسرائیل دوو هێرشی ئاسمانی کردووەتە سەر خێوەتی ئاوارە فەڵەستینییەکان لە جەبالیا و هەروەها لە باشووری غەززەش بۆ سەر شارۆچکەی خان یونس.

لە ئاکامی ئەو هێرشانەدا ١٠ فەڵەستینی کوژراون و ژمارەیەکی دیکەش بریندار بوون.