هێرشی چەکداریی کرایە سەر باڵیۆزخانەی ئازەربایجان لە تاران

باکو-AA

وەزارەتی دەرەوەی ئازەربایجان رایگەیاند، هێرشێکی چەکداریی کراوەتە سەر باڵیۆزخانەی وڵاتەکەی لە تاران و لە ئاکامدا بەرپرسی ئەمنیی باڵیۆزخانەکە کوژراوە.

لەو بارەیەوە وەزارەتەکە راگەیەندراوێکی بڵاوکردووەتەوە و تێیدا ئاماژەی بەوە داوە کە نزیکەی کاتژمێر ٠٨:٣٠ بە کاتی باکو هێرشێکی چەکداریی کراوەتە سەر باڵیۆزخانەی ئازەربایجان لە تاران.

لە راگەیەندراوەکەدا ئاماژە بەوە دراوە، هێرشبەرەکە کە بە کڵاشینکۆف تەقەی کردووە، بەرپرسی ئەمنیی باڵیۆزخانەکەی کوشتووە و دوو پاسەوانیشی بریندار کردووە.

ئاماژە بەوەش کراوه که لێکۆڵینەوەکان سەبارەت بە رووداوەکە بەردەوامن و وردەکاریی زیاتر بۆ رای گشتی بڵاودەکرێتەوە.