هێرشێكی چه‌كداریی له‌ ئه‌مریكا ١٧ قوربانی لێكه‌وته‌وه‌

نیویۆرك- AA

له‌ ئه‌نجامی هێرشێكی چه‌كداریی بۆ سه‌ر بینای شاره‌وانی له‌ شاری ڤێرجینیا بیچی سه‌ربه‌ ویلایه‌تی ڤێرجینیای ئه‌مریكا، ١١ كه‌س گیانیان له‌ده‌ستدا و شه‌ش كه‌سی دیكه‌ برینداربوون.

به‌پێی ئه‌و هه‌واڵانه‌ی له‌ میدیای ئه‌مریكیدا بڵاوكراونه‌ته‌وه‌، كارمه‌ندێكی شاره‌وانیی ڤێرجینیا بیچ دوای نیوه‌ڕۆ چووه‌ته‌ نێو بیناكه‌وه‌ و ده‌ستی به‌ ده‌ستڕێژی هه‌ڕه‌مه‌كی كردووه‌.

به‌ڕێوه‌به‌ری پۆلیس، جه‌یمس سێرڤێرا، له‌ لێدوانێكدا بۆ رۆژنامه‌وانان ئاماژه‌ی به‌وه‌كرد له‌ ئه‌نجامی هێرشه‌كه‌دا ١١ كه‌س گیانیان له‌ده‌ستداوه‌ و شه‌ش كه‌سی دیكه‌ برینداربوون.

جه‌یمس سێرڤێرا باسی له‌وه‌شكردووه‌ كه‌ هێرشكاره‌كه‌ كوژراوه‌.

هێشتا نازانرێت هێرشكاره‌كه‌ له‌نێو ١١ كه‌سه‌كه‌دایه‌ یان نا.

لێكۆڵینه‌وه‌ی هێزه‌ ئه‌منییه‌كان له‌ رووداوه‌كه‌ به‌رده‌وامه‌.