پرۆسەی دەنگدان بۆ هەڵبژاردنەکانی تورکیا لە ئەمریکا دەستی پێ کرد

نیویۆرک - AA

پرۆسەی دەنگدان بۆ هەڵبژاردنە گشتییەکانی خولی ٢٨ەمینی پەرلەمانی تورکیا و سەرۆکایەتیی کۆماری تورکیا لە ئەمریکا لە نۆ شوێنی جیاوازدا دەستی پێ کرد.

لەم چوارچێوەیەدا بۆ بەشداریکردن لە هەڵبژاردنە گشتییەکانی خولی ٢٨ەمینی پەرلەمانی تورکیا و سەرۆکایەتیی کۆماری تورکیا کە لە ١٤ی ئایاردا لە تورکیا بەڕێوەدەچێت، دەنگدەران لە ئەمریکا دەچنە سەر سندوقەکانی دەنگدان.

دەنگدەران دەتوانن لە ٢٩ی نیسان تاوەکو حەوتی ئایار لە کاتژمێر ٠٩:٠٠ تاوەکو ٢١:٠٠، لە باڵیۆزخانەی تورکیا لە واشنتۆن یان لە کۆنسوڵخانەکانی تورکیا لە نیویۆرک، بۆستن، شیکاگۆ، لۆس ئەنجلۆس، میامی و هیۆستن، دەنگ بدەن.

جگە لە ماڵی تورک لە ناوچەی ئەرکی کۆنسوڵخانەی گشتیی تورکیا لە نیویۆرک، لە نیوجەرسی و لۆنگ ئایلەند-یش لە ٢٩ی نیسان تاوەکو یەکی ئایار لە کاتژمێر ٠٩:٠٠ تاوەکو ١٨:٠٠ ناوەندەکانی سندوقی زیادکراو ئامادەن بۆ دەنگدان.

لە ئەگەری ئەوەی هەڵبژاردنی سەرۆکایەتیی کۆمار بکەوێتە خولی دووەم، رۆژی ٢٠-٢٤ی ئایار دەنگدان بەڕێوە دەچێت.

١٣٤ هەزار ٢٤٦ دەنگدەر لە سەرانسەری ئەمریکادا هەن.