پەیوەندی تەلەفۆنی سەرکۆمار ئەردۆغان و سەرۆکوەزیرانی نیپاڵ ئۆلی

ئەنقەرە - AA

سەرکۆماری تورکیا، ڕەجەب تەیب ئەردۆغان پەیوەندییەکی تەلەفۆنی لەگەڵ سەرۆکوەزیرانی نیپاڵ، شارما ئۆلی ئەنجام دا.

بەپێی ڕاگەیاندراوێکی سەرۆکایەتی پەیوەندییەکانی سەرۆکایەتی کۆماری تورکیا، لەو پەیوەنديیە تەلەفۆنییەدا پەیوەنديیە دوو قۆڵییەکانی تورکیا و نیپاڵ و پرسە هەرێمیی و جیهانییەکان تاوتوێ کراون.

سەرکۆمار ئەردۆغان باسی لەوە کرد کە هەڵنانی هەنگاوی بەرجەستە بۆ پەرەپێدانی پەیوەندییەکانی نێوان تورکیا و نیپاڵ لە هەموو بوارێکدا بەتایبەتی ئابووریی و بازرگانیی بەسوود دەبێت.

هەروەها سەرکۆمار ئەردۆغان ئاماژەی بەوە کرد تورکیا دیپلۆماسییەکی چڕی بەڕێوەبردووە بۆ بنیاتنانی ئارامیی لە غەززە، لوبنان، ئۆکراینا و سووریا و، بێوچان هەوڵ دەدات بۆ ڕاگرتنی هێرشەکانی ئیسرائیل لە غەززە کە سەرلەنوێ دەستیپێکردووەتەوە و دەەبارە بەدیهێنانی ئاگربەست.