چاوشئۆغڵو له‌گه‌ڵ هاوتا ئێرانییه‌كه‌ی زه‌ریف كۆبووه‌وه‌

ئه‌سفه‌هان - AA

وه‌زیری ده‌ره‌وه‌ی توركیا، مه‌ولود چاوشئۆغڵو له‌ شاری ئه‌سفه‌هانی ئێران له‌گه‌ڵ وه‌زیری ده‌ره‌وه‌ی ئه‌و وڵاته‌، محه‌مه‌د جه‌واد زه‌ریف كۆبووه‌وه‌.

دوای كۆبوونه‌وه‌ی كاری نێوان شانده‌كان به‌ سه‌رۆكایه‌تی چاوشئۆغڵو و زه‌ریف، هه‌ردوو وه‌زیر ده‌قی پلانه‌كانی راوێژیان واژۆكرد، كه‌ راوێژ له‌باره‌ی بابه‌ته‌ دووقۆڵی، هه‌رێمی و نێوده‌وڵه‌تییه‌كان زیاد ده‌كات و به‌هێزیان ده‌كات، له‌و چوارچێوه‌یه‌شدا هاریكارییه‌كان كاریگه‌رتر ده‌كات.

دوای كۆبوونه‌وه‌كه‌ چاوشئۆغڵو به‌شداری له‌ خوانی نیواڕۆدا كرد كه‌ له‌لایه‌ن زه‌ریف-ه‌وه‌ له‌سه‌ر شه‌ره‌فی ئاماده‌كرابوو.