کەرکووک.. هاووڵاتییان ماڵەکانییان چۆڵ دەکەن

کەرکووک - AA

بەهۆی دەستپێکی شەڕی حەشدی شەعبی و سوپای عێراق لەگەڵ هێزی پێشمەرگە و گرژی و ئاڵۆزییەکانی شاری کەرکووک، بەشێکی زۆر لە خەڵکی شارەکە ماڵەکانییان چۆڵ دەکەن و بەرەو دەرەوەی شارەکە دەڕۆن و هەندێک خەڵکی شارەکەش رێگری لەو حاڵەتە دەکەن.

گەرەکی رەحیماوا دەروازەکەی شارەکەیە و شەقامەکانی بەهۆی جەنجاڵیی خەڵکەوە رێگای هاتوچۆ خنکاوە، ژمارەیەک لە هاووڵاتییان بەهۆی هەڕەشەی شەڕەوە ماڵەکانییان چۆڵ دەکەن و ژمارەیەک خەڵکی سڤیل کە چەکیان هەڵگرتووە لە چوارڕیانی رەحیماوا رێگری لە چوونەدەرەوەی خەڵک دەکەن بەڵام بەهۆی قەڕەباڵغییەوە ناتوانرێت رێگری بکرێت و خەڵک لە شارەکە دەچێتە دەرەوە.