ھێرشی چەکداری لە ئەمریکا

واشنتۆن - AA

لە ویلایەتی کۆلۆرادۆی ئەمریکا، پۆلیس رووبەڕووی ھێرشێکی چەکداریی بوویەوە و پۆلیسێک گیانی لەدەستدا.

بەڕێوەبەری پۆلیسی شارەدێی دۆگلاس سەر بە شاری دەنڤەری ویلایەتی کۆلۆرادۆ، لەمبارەیەوە راگەیەنراوێکی بڵاوکردەوە.

بەڕێوەبەری پۆلیسی ناوچەکە رایگەیاند کە "کاتژمێر ٦ی بەیانی، پۆلیس لەسەر پەیوەندییەکی سکاڵا چووەتە ناوچەیەک و لە لایەن کەسێکی نەناسراوەوە رووبەڕووی ھێرشی چەکداریی بوونەتەوە.

راشگەیەنرا کە لە ئاکامی ھێرشەکەدا پۆلیسێک کوژراوە و چوار پۆلیسی دیکە برینداربووە.

لە راگەیەنراوەکەدا ئاماژە بەوە کراوە کە ئەو ھێرشبەرە دوو سڤیلی دیکەی بریندار کردووە.

ئاماژە بەوەش کراوە کە ھێرشەبەرەکە لە لایەن پۆلیسەوە کوژراوە.