ئوسترالیا پێشوازی لە ساڵی ٢٠١٨ کرد

مێلبۆرن - AA

لە ھەردوو شاری مێلبۆرنی و سیدنی وڵاتی ئوسترالیا بە سازکردنی ئاھەنگ و هەڵدانی یاری ئاگرین پێشوازی لە ساڵی ٢٠١٨ کرا.

ئوسترالیا لە دوای وڵاتانی کیریباتی، تۆنگا، سامۆوا و نیوزلەندا پێشوازی لە ساڵی ٢٠١٨ کرد و نزیکەی ٢٠ تۆن یاری ئاگرین لە ئاھەنگەکانی ئەو وڵاتە بە بۆنەی سەری ساڵی نوێوە بەکارھێنرا و دیمەنێکی سەرنجراکێش و ناوازەی بەخشی.

نزیکەی دوو ملیۆن کەس لە دوو شاری ئەو وڵاتە لە ئاھەنگی یاری ئاگرینەکە ئامادەبوون.

ھەموو ساڵێک بە بۆنەی سەری ساڵی نوێ یاری ئاگرین لە پردی بەندەری سیدنی هەڵدەدرێت و لە پەخشی راستەوخۆی کەناڵەکانی ئوسترالیا دەگوازرێتەوە، بەم ھۆیەوەش ژمارەیەکی زۆری ھاووڵاتی ئەو وڵاتەش بە جۆش و خرۆشێکی زۆرەوە ئامادەی ئاھەنگەکان دەبن.