ھێرشی چەکداریی لە ئەمریکا

سوزەرلاند سپرینگس - AA

لە ئاکامی ھێرشێک بۆ سەر کڵێسایەک لە ویلایەتی تەکساسی ئەمریکا، چەند کەسێک گیانیان لەدەستدا و ھێرشبەرەکەش کوژراوە.

بەپێی ئەو ھەواڵانەی لە میدیاکانی ناوخۆیی ئەو وڵاتە بڵاوکراوەتەوە، لە ناوچەی سوزەرلاند سپرینگی ویلایەتی تەکساس، کەسێکی چەکدار چووەتە نێو کڵێسایەک و دەستی بە تەقەکردن کردووە.

ژمارەیەک لە ھاووڵاتیان لە ھێرشەکەدا گیانیان لەدەستدا و ژمارەیەکی دیکەش برینداربوون. راشگەیەندرا کە بریندارەکان بە ھێلیکۆپتەری فریاگوزاری رەوانەی نەخۆشخانەکان کراون.

بەپرسی پۆلیسی ناوچەی ویلسن، جۆی تاکیت رایگەیاند کە ھێرشبەرەکە لەلایەن ھێزەکانی ئەمنییەوە کوژراوە و تاکو ئێستاش ژمارەی کوژراوان و برینداران دیار نییە.