ته‌قینه‌وه‌ی بۆمب له‌ كه‌ركووك

كه‌ركووك - AA

له‌ ئاكامی ته‌قینه‌وه‌ی بۆمبێكی چێندراو له‌ شاری كه‌ركووك، كه‌سێك گیانی له‌ده‌ستدا و چوار كه‌سی دیكه‌ش برینداربوون.

به‌ڕێوه‌به‌ری پۆلیسی كه‌ركووك، عه‌لی كه‌مال له‌ روونكردنه‌وه‌یه‌كیدا بۆ ئاژانسی ئانادۆڵو ئاماژه‌ی به‌وه‌ كرد كه‌ له‌ ناوچه‌ی رێگای به‌غدا بۆمبێكی چێندراو ته‌قیووه‌ته‌وه‌.

كه‌مال باسی له‌وه‌شكرد كه‌ به‌هۆی ته‌قینه‌وه‌كه‌وه‌ كه‌سێك گیانی له‌ده‌ستداوه‌ و چوار كه‌سی دیكه‌ش برینداربوون، زیانی زۆریش به‌ر خانوو و شوێنكاره‌كانی ده‌وری ته‌قینه‌وه‌كه‌ گه‌یشتووه‌.

كه‌مال ئه‌وه‌ی خسته‌ڕوو كه‌ هێشتا ناسنامه‌ی ئه‌نجامده‌رانی ته‌قینه‌وه‌كه‌ دیار نییه‌ و، ده‌ستكراوه‌ به‌ لێكۆڵینه‌وه‌ی فراوان بۆ ده‌ستگیركردنی به‌رپرسیارانی ئه‌و ته‌قینه‌وه‌یه‌.