حەریری لەگەڵ سیسی کۆدەبیتەوە

بەیروت - AA

سەرۆکوەزیرانی دەستلەکارکێشاوەی لوبنان، سەعد حەریری سەردانی میسر دەکات و لەگەڵ عەبدولفەتاح سیسی کۆدەبێتەوە.

نووسینگەی رۆژنامەوانی سەعد حەریری بڵاوی کردەوە، سبەی سێشەممە، سەعد حەریری سەردانی قاهیرەی پایتەختی میسر دەکات و لەگەڵ سیسی-دا کۆدەبێتەوە.

دوێنێ، سەعد حەریری و هاوسەرەکەی لەسەر بانگهێشتی سەرکۆماری فەڕەنسا، ئیمانوێل ماکرۆن لە سعوودیەوە گەیشتنە پاریس و دواتر حەریری لە کۆشکی ئەلیزییە لەگەڵ ماکرۆن کۆبوویەوە.

سەعد حەریری دوای کۆبوونەوەی لەگەڵ ئیمانوێل ماکرۆن، کۆنگرەیەکی رۆژنامەوانی رێکخست و رایگەیاند، ٢٢ی ئەم مانگە هاوکاتە لەگەڵ ساڵیادی رۆژی سەربەخۆیی لوبنان، بەشداری لە مەراسیمەکان دەکات لە بەیروت.

سەعد حەریری چواری تشرینی یەکەمی رابردوو لە ریازی پایتەختی سعوودیە دەستلەکارکێشانەوەی خۆی راگەیاندبوو.