سەرۆکی چین لە خوولی دووەمیشدا لە کارەکەی بەردەوام دەبێت

پەکین-AA

لیستی نوێی ئەندامانی مەکتەبی سیاسی و ئەندامی کۆمیتەی هەمیشەیی مەکتەب سیاسی و سەرکردایەتی نوێی چین، راگەیەنرا.

لە پەکینی پایتەخت پارتی کۆمۆنیستی چینی کە لە ١٧٢ ئەندامی یەدەگ و ٢٠٤ ئەندامی هەمیشەیی پێک دێت ١٩هەمین کۆمیتەی ناوەندی لە مەیدانی تیانانمن کۆبوونەوە.

لە کۆبوونەوەکەدا مەکتەبی سیاسی کە ٢٥ ئەندامن لەگەڵ کۆمیتەی هەمیشەیی مەکتەبی سیاسی و سەرکردایەتی کە لە حەوت کەس پێک دێن، ئەندامانی نوێیان هەڵبژارد.

بەو پێیەش بۆ ساڵی ٢٠١٧ تا ساڵی ٢٠٢٢، بەرپرسانی باڵای چین، هەر لە سەرۆکی چین، شی جین پینگ و چەندین کەسایەتی تر لە ئەرکەکانیاندا پێنج ساڵی تر بەردەوام دەبن.