قوباد تاڵه‌بانی و ئیره‌ج مه‌سجدی كۆبوونه‌وه‌

ھەولێر - AA

باڵیۆزی ئێران لە عێراق ئیرەج مەسجدی بە جیا لەگەڵ ھەریەک لە مەسرور بارزانی و قوباد تاڵەبانی کۆبوویەوە.

ئەمڕۆ چوارشەممە باڵیۆزی کۆماری ئیسلامی ئێران ئیرەج مەسجدی لەگەڵ جێگری سەرۆکی حکوومەتی ھەرێمی کوردستان قوباد تاڵەبانی کۆبوویەوە کە پاش کۆبوونەوەکەی دێت لەگەڵ سەرۆکی حکوومەت مەسرور بارزانی.

بەپێی راگەیەنراوێکی ماڵپەڕی حکوومەتی ھەرێمی کوردستان لە کۆبوونەوەکەدا ھەردوولا تاوتوێی پەیوەندییە دوو قۆڵییەکانی نێوان ئێران و ھەرێمیان کردووە.

ھەروەھا ھاتووە "لە کۆبوونەوەکەدا کە ئەمڕۆ لە ھەولێر بەڕێوەچوو، قوباد تاڵەبانی باسی پەیوەندیی مێژوویی نێوان کورد و شیعەی کردووە لە عێراق و بە پێویستیشی زانیوە ھەردوولا لە داھاتووی عێراقدا پەیوەندییەکانیان بەھێزتر بکەن، چونکە لێکتێگەیشتنی زیاتری نێوان ئەم دوو پێکھاتەیە یارمەتیدەر دەبێت بۆ سەقامگیری و پێشخستنی وڵات".

لە درێژەی راگەیەنراوەکەدا ئەوەش ھاتووە "ھەردوولاش ھاوڕابوون لەسەر پێویستی چارەسەرکردنی کێشەکانی نێوان ھەولێر و بەغدا و لەم چوارچێوەیەشدا جێگری سەرۆک وەزیران جەختی لەوە کردەوە کە حکومەتی ھەرێمی کوردستان ئامادەیە بەپێی دەستور ھەموو کێشەکان لەگەڵ بەغدا چارەسەر بکات".