موقتەدا سەدر هاوپەیمانییەتی لەگەڵ هادی عامری راگەیاند

بەغدا - AA

سەرکردەی رەوتی سەدر و سەرۆکی هاوپەیمانی سائیرون، موقتەدا سەدر پێکهێنانی هاوپەیمانییەتییەکی نوێی لە نێوان هاوپەیمانی سائیرون لەگەڵ هاوپەیمانی فەتح بە سەرۆکایەتی هادی عامری راگەیاند.

دوای کۆبوونەوەی دووقۆڵی نێوان سەدر و عامری، کۆنگرەیەکی رۆژنامەوانی هاوبەش بۆ هەردوولا سازکرا.

لە کۆنگرە رۆژنامەوانییەکەدا سەدر گوتی: "هاوپەیمانییەتیمان لەگەڵ فەتح لەچوارچێوەیەکی نیشتمانیدایە بۆ پێکهێنانی گەورەترین کوتلە لەگەڵ پارێزگاریکردن لە هاوپەیمانی سێقۆڵی (لەگەڵ رەوتی حیکمە بەسەرۆکایەتی سەرکردەی رەوتی حیکمەی نیشتمانی، عەممار حەکیم و هاوپەیمانی وەتەنییە بەسەرۆکایەتی جێگری سەرکۆماری عێراق، ئەیاد عەللاوی)".

هەفتەی رابردوو هاوپەیمانی سائیرون بە سەرۆکایەتی سەرکردەی رەوتی سەدر، موقتەدا سەدر و رەوتی حیکمە بەسەرۆکایەتی سەرکردەی رەوتی حیکمەی نیشتمانی، عەممار حەکیم و هاوپەیمانی وەتەنییە بەسەرۆکایەتی جێگری سەرکۆماری عێراق، ئەیاد عەللاوی هاوپەیمانییەتییەکی سێقۆڵیان راگەیاند.

لای خۆیەوە هادی عامری لە کۆنگرە رۆژنامەوانییەکەدا گوتی: "هیچ کێشەیەکمان نییە لە دووبارە جیاکردنەوە و ژماردنەوەی دەستی دەنگەکان بە رێژەی پێنج یان ١٠ لەسەدا".

* ماڵپەڕی ئاژانسی ئانادۆڵو، ئەم ھەواڵەی کە بڵاوکراوەتەوە کورت و پوخت کردووەتەوە و دواتر بڵاوی کردووەتەوە، بۆ بیینینی تەواوی ھەواڵەکە ببن بە ئابونەداری ئاژانسی ئانادۆڵو.